சில்லறை வணிகத்தில் FDI

சில்லறை வணிகத்தில் FDI என்ற அறிவிப்பை கேட்டவுடன் யாரும் அதுக்கும் நமக்கும் என்ன சம்பந்தம் என்று நினைக்கவேண்டாம். இது ஒரு வகையில் அன்றாடம் பேப்பர் பொருக்கி வயிறு வளர்க்கும் கடைசி குடிமகன் வரை பாதிக்ககூடிய ஒன்று. எனக்கு தெரிந்த சில உண்மைகளை பகிர்கிறேன். ஆதரவு எதிர்ப்பு கருத்துகளை எதிர்பார்த்துதான்!

சில்லறை வணிகத்தில் அந்நிய முதலீட்டை அனுமதிப்பதால் இடைதரகர்களிடமிருந்து விவசாயிகளையும், நெசவாளர்களையும் மற்ற பிற சிறுதொழில் வல்லுநர்களையும் காப்பாற்றி அவர்களுக்கு நேரடி கொள்முதல் மூலம் நல்ல விலை கிடைக்கச்செய்ய முடியுமென்ற கருத்தை முன்னிருத்தியே அரசாங்கம் இதை அனுமதித்திருப்பதாக சொல்லி இருக்கிறது.

சில நாட்களுக்கு முன்பு இதே போல் சில கார்பரேட் நிறுவனங்கள் இந்த சில்லரை வணிகத்தில் கால் பதிக்கத் தொடங்கியபோது அவர்கள் சொன்ன அதே கருத்துதான் மேலே நம்மிடம் அரசாங்கம் சொன்னது. அவ்வாறு இறங்கிய கார்பரேட்களில் முக்கியமானவை, ITC - Choupal Fresh, Reliance - Fresh, More, Safal Market.... etc., இவற்றில் ஒன்றில் வேலை பாலிசி மேக்கிங் லெவலில் வேலை பார்த்த அனுபவத்தில் அவற்றின் படிப்பினைகளைத்தான் இங்கே சொல்ல முயன்றிருக்கிறேன்.


                     * விவசாயிகளிடமிருந்து நேரடியாக கொள்முதல் செய்வதில் கார்பரேட் யுக்தி என்னவென ஒரு சான்றை இங்கே பார்க்கலாம். தக்காளி கொள்முதல் செய்வதற்காக கிராமங்களுக்கு சென்று வர ஒரு ஆபிசர் இருப்பார். அவர் விவசாயிகளை தெரிந்து வைத்துகொண்டு அவர்களிடம் ஒரு விலையை பேசி அவற்றை ஒருங்கினைத்து வரும் வண்டியில் ஏற்றி, குடவுனுக்கு அனுப்பி விடுவார். அங்கே அதை தரம்பிரித்து கழிவுநீக்கி மிச்சமுள்ள தக்காளிக்கு மட்டுமே பணம் கொடுப்பார்கள். இதை கணக்கிட்டுபார்த்தால், மொத்த சரக்கில் 20% கழிக்கப்பட்டு மிச்சமுள்ள சரக்கில் தரக்கலவையின் அடிப்படையில் ஒரு விலை நிர்ணயித்து அதை கொடுத்தனுப்புவார்கள். இதில் கூட்டி கழித்து பார்த்தால் விவசாயிக்கு நட்டமே! இதனால் தான் ஆயிரக்கணக்கில் தொடங்கப்பட்ட ரிலையன்ஸ் ஸ்டோர்கள் மூடப்பட்டன. மற்ற நிருவனங்களும் பின்வாங்கிவிட்டன.

மற்ற பொருட்களென்றால், நாம் பார்த்துகொண்டிருக்கும் பிக்பஜார் போன்ற கடைகளில் உள்ளதுபோல் அவர்களுக்கென்று ஒரு பிராண்ட் வைத்துக்கொண்டு அதில் சட்டை பேண்ட்களை விற்பதுவே வழக்கம். இதற்கான கொள்முதல் எங்கு எப்படி நடைபெறும் என்பதற்கும் மேற்சொன்ன உதாரணமே!

இது ஆலிகோபோலி (Oligopoly) என்ற ஒரு வர்த்தக நிலைமையை உருவாக்கும். ஆலிகோபோலிக்கும், மோனோபோலிக்கும்(monopoly) இடைபட்ட தூரம் அதிகமில்லை. பெரிய கார்பரேட் வழிநடத்திச்செல்லும்.

இது மறுபடியும், அந்நியர்கள் நம்மை சுரண்ட நாமே போட்டுக்கொடுக்கும் எட்டப்ப திட்டம்தான். சிறு, குறு தொழில்முனைவோரும் அதை வாடிக்கையாளர் கைகளில் சேர்க்கும் வரை உள்ள சங்கிலியின் கண்ணிகளை உடைத்துவிட்டு நீண்ட கயிறாக கட்டிவிடுவதற்க்குச் சமம்தான்.

இதற்கு மேல் நீட்டிமுழக்கி எழுதவிரும்பவில்லை. கமெண்டினால், ரிப்ளையில் மற்ற விவரங்கள்!

இதனால் எந்த நன்மையும் இல்லை! எந்த என்றால் எல்லாமும்.
சிறுபுழுவிற்கு ஆசைப்படும் மீன்களே! சிந்திக்கவும்.